Балыҡсы айыу. Гүзәл Ситдиҡова

From Wikisource
Jump to navigation Jump to search

Балыҡсы айыу



Ҡуян ҡышын аҡ тун кейә
Ҡарҙа күренмәҫ өсөн,
Һоро айыу өңдә ята,
Күрә етенсе төшөн.
Йоҡлаһын әйҙә, төш күрһен,
Йоҡламаһа - эш харап,
Тилереп йөрөй башлай ул
Үҙенә ҡорбан ҡарап.
Тик боҙлоҡта аҡ айыуға
Йәйҙе түгел көтәһе,
Гел-гел аҡлыҡ, гел-гел һалҡын,
Ҡышҡы көндәр - бөтәһе.
Шулай булғас, өңдә ятып
Булмай ваҡыт оторға,
Тунды аҡтан ғына кейеп
Сыға балыҡ тоторға.





2013


CC SomeRightsReserved.png
Cc-by white.svgCc-sa white.svg
This work is licensed under the Creative Commons Attribution-ShareAlike 3.0 Unported license.