Безбородов М. И. Сочиненият 1-це томсь (1939)/А. Карасевти

From Wikisource
(Redirected from А. Карасёвти)
Jump to navigation Jump to search
Сочиненият 1-це томсь  (1939)  by Безбородов, Михаил Ильич
А. Карасевти
Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.

[ 41 ]

А. КАРАСЕВТИ


Корхтайхть: „Мишась морай,
Мокшень кяльса-валса,
Кода петемс эряфсь
Келесонок марса.
 
Аньцек вайгяльсонза
Афсатыкста лама...
Цьорась сон вдь минцень —
Тейнек, ялгат, шнама.
 
Хоть моронзон мархта
Морай сон аф ули,
Но од эряфть инкса
Кулакть каршес тюри...”
 
Виде, морайсь лафчан,
Мороне „кяль синнихть”,
Сембе сякокс лама
Велеса тев тиихть.
 
Кода лакай ведьса
Пицесазь кулакнень —
Колхозть каршес тюри
Кяжи пине вракнень.
 
Конат веры кядьсост
Кизнок лотка шувихть,
Конат куень лаца
Ашунь пилес сувихть.

[ 42 ]


Вов кулакнень каршес
Мороне тев тиихть,
Кулакть наксадонзон
Кеме вийса керыхть.
Кулакть каршес тюрезь
Ащан вала янца,
„Планть ниле кизоста” —
Лозунгть знамякс кандса.
Сонь инксонза моран,
Мезденге аф пелян,
Види, кержи ширес
Стакати аф велян.
. . . . . . . . .
Катк мон морайсь лафчан —
Мялезень аф кадса,
Од толняса палы
Седизень аф матса.


1931 к.