Аҫыл таж. Тамара Искәндәриә

From Wikisource
Jump to navigation Jump to search

Аҫыл таж (Шиғыр)
автор Тамара Искәндәриә


Аҫыл таж


Башҡайымды ике усҡа ҡыҫып,
Урт тешләйем, эйе, мин көслө.
Алла түгел,
Бәндә уйлап тапҡан
Сик-кәртәгә генә мин үсле.
Дауыл булып ауҙарайыммы ни,
Ташҡын булып бәреп үтәйем,
Ялҡындарға сорнап яндырайым?
Сүп үләне булып үбәйем
Аяҡ табаныңдан...
Хоҙай үҙе,
Һине һөйөп, миңә тап иткән.
Баҡһаң, һөйөү — яҡты тап икән дә
Башҡайымда аҫыл таж икән.