Ашкедӹнӓ иквӓреш

Савельева Евгения Константиновна

АШКЕДӸНӒ ИКВӒРЕШ

Мӹнь ылам мӹндӹрцӹн толшы, кыштакен пеледӹш ошы,
кыштакен йогалта ўштӹ, рок кӧргӹ гӹц лӓкшӹ вӹд.
Ӓнгӹр йогы йукым колам дӓ эртем кугивлӓн рошам,
кыргыжам, талашем, вӹсем. Сӓндӓлӹкем киӓ шӹп.

Ташкалам ик ашкылым анзык: паштекем ыжарга азым,
паштекем талаша алаша - токо шачын вацшы и.
Ныр мычкы ашкедӓм пацын, ӹшке йӓнгем тӓлӓндӓ пачын,
аяран дӓ шокшы вадын, а телӹмжӹ - лым дӓ и.

Пӓледӓ маханьы игечӹ, тӓӓт вет тӹ корным кендӓ,
шытырдам йӓл лошкы шӓрендӓ, тетявлӓм ял вӹк шагалтендӓ…
Пуальы сӹмӹрӹшӹ мардеж, корнат ӹнде пӹтӓ, ямеш,
дӓ тыргыж ӹлянӓ йӓнгеш, пыт шолеш, кредӓлеш шам.

Сӹгӹрӓлӓм мӹнь тӓнгвлӓм иквӓреш, ана ям ти кайтым поранеш,
тырхалына, кечӹ анжалеш, дӓ йӓнгнӓ тӹнӓмжӹ ладнангеш.
Иквӓреш мӓ лӓктӹнӓ вашт.