Асъя чеччӧм
| Асъя чеччӧм (1889) by |
| Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889. |
Медбӧръяӧс нин меӧй
Узи, куйлі-арталі
Ай пуктӧм керкаын,
Энь вольсалӧм небыд вольпась вылын.
Виччыси тай, виччыси:
Вердысь-удысь эньӧй
Важ мозыс эз тай лок,
Вердысь-удысь эньӧй
Важ мозыс эз тай чуксав.
Вежа курӧг чуксіс —
Пӧнӧмарлы тай сійӧ чуксіс
Вежа жыннян вӧрзьӧдан кад;
Вежа курӧг чуксіс —
Поплы тай сійӧ чуксіс
Вежа пызан водзӧ сувтан кад;
Вежа курӧг чуксіс —
Дякӧнлы тай сійӧ чуксіс
Вежа ӧдзӧс водзӧ сувтан кад;
Вежа курӧг чуксіс —
Дяклы тай сійӧ чуксіс
Сьылӧм вылӧ сувтан кад;
Вежа курӧг чуксіс —
Лёк аньлы тай сійӧ чуксіс
Йӧз ныв-пи вылӧ лёкалан кад;
Вежа курӧг чуксіс —
Бур аньлы тай сійӧ чуксіс
Чӧскыда узян оныс кад;
Вежа курӧг чуксіс —
Меным тай сійӧ чуксіс
Сир курыдӧс курдалан кад,
Из чорыдӧс чордалан кад.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse