Ар (Попов Дмитрий Яковлевич)
Jump to navigation
Jump to search
| Ар (1914) by |
| Гижан кад: 1914, Йӧзӧдан во: 1914. Ӧшмӧс: Коми мойдан и сьылан кывъяс. Сыктывдінкар, 1914. |
Асывводз рынышысь чепсасьӧ тшын,
Югдігӧн вартан шы кылӧ,
Тырӧма жугъясӧн, идзасӧн стын,
Тӧв вылын тыра сю качӧдчӧ вылӧ.
Кӧдзыд нин... шочиник буситӧ зэр...
Зарниа, шондіа кольӧма гожӧм.
Жугыля видзӧдӧ чирссьысьӧм вӧр.
Коръя пу куш нин, а виж коз да пожӧм.
Лунвылӧ, саридзӧ лэбзьӧны юсьяс
Кольӧны миянӧс кузь кӧдзыд тӧвлы.
Кор бара миянлы гожъя лун воссяс?
Гожӧмӧй, гожӧм! Тэ быттьӧ эн вӧвлы.
Войтӧв да пемыд, да шондітӧм олӧм
Бара на миянӧс дзескӧдас ёна...
Мед! Гожӧм сьӧлӧмысь вӧтліс нин полӧм...
Няня да туруна гажтӧм тӧв дона!
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse