Апрельӹн остатка вадыжы

From Wikisource
Jump to navigation Jump to search

Вала Катри

АПРЕЛЬӸН ОСТАТКА ВАДЫЖЫ
Huhnikuun viimeinen ilta

Тыр вады.
Левӓш тӹрвлӓ мӓгӹрӓш цӓрненӹт,
аярат тагышкы тӹргештен шӹлӹн.
Симсӹн валгалтшы рӹмӓлгӹ юкымат ак лык –
тӹдӹ йӹрвӓш ылшы ландшафтым ӓвӓлтен нӓлӹн.

Йӹрвӓш киш пышым шӓвӹшӹ шӹргӹ шайыц
кого дӓ ӧрӹн анжышы сар пеледӹш гань
йонгата тӹлзӹ ин лӓктешӓт
пӹцкӓтӓ симсӓлгӹ пӹлгомеш
кечӓлт кодеш.

Цилӓ лудын дӓ колышыла каеш.
Малын вӓл мырывлӓ ак йонгалтеп,
кышты шошым ӓнгӹрвлӓн шужгымышты
дӓ ойхы паштек мӹнгеш толшы кеквлӓн
сусун мырымышты шакта ыльы?
Кышты вӓл тӹ жеп сӓрнӓ,
кынам нӹжгӓ шудын ыжар вӹржӹ
якшаргын вӓк кайын колта?