Алышҡа саҡырам

← Башҡорт йыры - тере шишмә

Алышҡа саҡырам (Шиғыр) автор Лилиә Һаҡмар

[[ ]] →

.Нәшер ителгән: 2006. Сығанаҡ: Һаҡмар Л. Эстафета: Шиғырҙар, поэма. – Өфө: Китап, 2006. – 176 бит. (174-се бит) ISBN 5-295-03798-3

АЛЫШҠА САҠЫРАМ

Алышҡа саҡырам!
Кемдеме?
Үҙемде!
Йөрәккә төйнәнем
Бар асыу, түҙемде.

Кем еңер,
Аҡылмы?
Иҫәрлек ҡалҡырмы?
Ни тулыр йөрәккә?
Һалҡынмы ?
Ялҡынмы?
Мин – даһи!
Мин – меҫкен.
Мин түбән.
Мин өҫтөн!
Яҡларға юҡ хаҡым,
Ғәҙеллек – бар көсөм!

Һис тынмаҫ был алыш
Күңелдең түрендә!
Еңгән дә,
Бөлгән дә
Үҙемдә, үҙемдә!

Мәңгелек был тартыш
Тынған мәл.
Мин бахыр.
Алышҡа саҡырам ҮҘЕМДЕ,
Мин – БАТЫР!

---

Иҫкәрмәләр

• Авторҙың башҡа әҫәрҙәре Author:Лилиә_Һаҡмар