Ала һыйыр(шиғыр). Кәтибә Кинйәбулатова

Ала һыйыр ( шиғыр ) автор Кәтибә Кинйәбулатова

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Ала һыйыр

 Ала һыйыр, һәү-һәү,
 һине үҙем ҡарайым,
 Бесәндең иң тәмлеһен —
 Хуш еҫлеһен һалайым.
 Ала һыйыр, һәү-һәү,
 Аша әйҙә туйғансы.
 Таҙа һыу ҙа ҡояйым,
 Эс һыуһының ҡанғансы.
 Унан һөт бир, һәүкәшем,
 Ҡаймаҡ бир һин күп итеп,
 Быҙауыңды үҫтерәм,
 Үҙең һымаҡ көр итеп.
 Ала һыйыр, һәү-һәү,
 Ала һыйыр, һәү-һәү.

 

1988 йыл

---