Гурезь но бамын векчи но шальы,
Чале лэзяськыса шудоме, ай-кай.
Зарни но кырезь луон но дыръя
Шудэме потыса шудӥсько, ай-кай.
Лул-гажан эше луон но дыръя
Шудэмъя шудэме потэ ук, ай-кай.
Ай-кай но арлэн ортчемез, ай-кай,
Кускысь но путолэн пӧсьтэмез, ай-кай.
Пӧсьтоно путо мед ик но пӧсьтоз,
Ортчонтэм даур луысал ке, ай-кай.
Гурезь но бамын сьӧд пушнер, ай-кай,
Солэн но шораз сьӧдсутэр, ай-кай.
Сьӧдсутэр кадь ик синъёсмы, ай-кай,
Горд намер кадь ик бамъёсмы, ай-кай.
Ӝужыт, дыр, милям коркамы, ай-кай,
Гырлы, дыр, милям куарамы, ай-кай.
Гырлы но уз лу, мар луоз, ай-кай,
Эркын музъемын будӥмы, ай-кай.
Бусы но шорын вож кызьпу, ай-кай,
Пуксьымтэ папа чик ӧвӧл, ай-кай.
Ми шоры учкем пиос но, ай-кай,
Синмаськымтэез чик ӧвӧл, ай-кай.
Ми шоры учкем нылъёс но, ай-кай,
Синмаськымтэез чик ӧвӧл, ай-кай.