Азар! (Хетæгкаты)

by Хетæгкаты Къоста

Азар!  (1909)  by Хетæгкаты Къоста

Фыст датæ: 1899, Рауагъ аз: 1909. Равзæрæн: Хетæгкаты Къоста. Ирон фæндыр : зæрдæйы сагъæстæ, зарджытæ, кадджытæ æмæ æмбисæндтæ. – Дзæуджыхъæу : Ир, 2012.

АЗАР!

Æз дæ зарынмæ куы хъусын,
Уæд хъæлдзæгдæрæй фæкусын,
     О, мæ хуры хай, –
     Азар-ма, чызгай!..

Мах бар нал æсты нæ сæртæ...
Азар, цалынмæ дæ зæрдæ
     Не ссау фырмæстæй,
     Адæмы мæтæй!..

Адæмæн зæхх у сæ дарæг...
Азар!.. Ракæ мыл-иу хъарæг, –
     "О, мæ бон, – иу зæгъ, –
     Байстой нын нæ зæхх!.."

Нал дæ бахъæудзæн ныр рувын..
Азар!.. Сахуыр мæ кæ кувын!..
     Ма фæлидз тæргай,
     О, мæхурыхай!..

---