Адтави рæсугъд догæ (Малиты)

by Малиты Геуæрги

Адтави рæсугъд догæ by Малиты Геуæрги

АДТАВИ РÆСУГЪД ДОГÆ

Адтави рæсугъд догæ
Мæнæн мæ уалдзæг,—
Хизтон æз мæ дзогæ
Уæл-фахс игъæлдзæг.
Дзингатæ зилдæнцæ
Мæ сæргъи æд гъæр,
Худтонцæ сæ хæццæ
Гъазунмæ мæн дæр.

Фиудзилитæ павзи
Зардтонцæ дзæбæх,
Зæлдæбæл мæ рази
Хизтæй, цид, мæ бæх.

Нур мæбæл ци 'рцудæй,–
Уæууау, мæ фудгол —
Фунау ку фæссурдæй
Рохс уалдзæг изол.

Фиудзилитæн павзи
Не 'гъосун сæ гъæр,
Дзингатæ сæ таси
Фæцæнцæ цидæр.

Нæ кæти, æ гъостæ
Æруадзгæ лæмæгъ,
Кæуй æнæ бостæ
Йе стонгбæл мæ бæх.

---