Паксять морасан/Аватня кочкаматненди

From Wikisource
Jump to navigation Jump to search
Паксять морасан  (1932)  by Безбородов, Михаил Ильич
Аватня кочкаматненди
М. Безбородов. Паксять морасан. Государственное издательство художественной литературы, Моску, Ленинград, 1932.

[ 25 ]

АВАТНЯ КОЧКАМАТНЕНДИ


Кода авынь *)[1]
Школась яцеф
Стерьда, авада —
Якстерь шамада.
Шары ётковаст,
Даря ялганясь,
Авань вятинясь,
Делегатканясь.
Кочкамань кизефкст
Корхтакшни кяльняц,
Кода пайгоня
Кайги вайгяльняц:
— Стерьнят, аванят,
Кельгома кочкамста

[ 26 ]

Одукс кочкамста
Сефтяма прават.
Тятдя, аванят,
Няфцаськ виеньконь...
Саты кяшенкшнеськ
Визьди сельмоньконь.
Саты рахсекшнесть
Эсонок алятьня!
„Видя”, — ювадихть,
Зырнайхть вальмятьня.
Тейнек мярьгончнесть:
— Тинь аватада,
— Тинь алятненди
Аф ялгатада!
Тятдя кочкатама
Эсь ёткстонок минь
Совету ават.
Ну, а кода тинь?
Вайгялень эземс
Цяпорфтозь кяцнон,
Тоса вишкста
Нолдазь вайгяльснон:
— Сембя мольхтяма,
— Одукс кочкама,

[ 27 ]

— Алятнень эзда
Минь аф ляттама!
Тяфта аватня
Пряснон аноклахть,
Одукс кочкама
Фкя вийса кармайхть.

  1. *) авынь — овин