Сэхътан цуакъэхэри тэпыплъ,
Уихьани, плъагъум уимыкӀ,
Къэзэныкъо шъуи Абэдзэпщи.
Шъорджэ зыӀыгъхэри шъхьэджашъу
Наурзэ нэшъухэр шхъорыд,
Къэсэй тхьэгъэпцӀыми зэхехы,
Къэзэнэкъуи шъыу Абэдзэпщи.
ЦокъэзэкӀадэмэ сыряныс,
Гу зыкӀоцӀымысымэ сырятещ,
О, сызэрэнысэуи сэкӀожьи,
Дахэ мыгъор Абихъан,
Сипхъэцокъэшхоми
Дахэу сырэкӀомэ
Хьаджэм-и къоджэшхоми сэкӀожь,
Дахэ мыгъори Абихъани.
Сипхъэцокъэшхохэр фарэгъуи,
Сызэрэпшъэшъабгъэуи сэкӀожьы,
Сызэрэнысэуи сэкӀожьы,
Дахэ мыгъори Абихъани.
ГъукӀэлӀы пстэумджэри шъузылӀ,
Шъэохъум дэжькӀэ шъулӀагъи,
Дахэ мыгъори Абихъани.
Салымы пхъуатэри ныӀуехи,
Шэхэмэ Ӏахьэхэр сэхьыжьы,
Дахэ мыгъор Абихъани.
Сидышъэ паӀохэри орэд,
Мэзэжъым фэдэмэ орэ-уа,
Мэлыжъым фэдэуи сэкӀожь.
Дахэ мыгъор Абихъани.