Аас-кежииң үжүктери (Саган-оол Алдынмай)
Аас-кежииң үжүктери
Ишти-хөңнүң аас-кежиин ондап билбес
Изиг дамыр ооң ужун сокпас болза,
Анаа номнуң арыннарын ашкан ышкаш,
Амыдырал утказы чок хайым болур.
Кежик-чолуң үжүңтерин номчуп билбес
Кээргенчиг сээ лама, хам-даа дуза болбас.
Аай-дедир номну шинчип көрзүңзе-даа,
Арын бүрү кыжырганзыг тывызык боор.
Буян сеткил оттурбайн, элекке-ле
Буруу чок мен, кадык мен деп бодава-даа,
Торгу кедип, тодуг-догаа чорзуңза-даа,
Тоолзуг номнуң арыннары ыытташпастар!
Кызыл
2014
2014
Ушта бижээн ному: "Улуг-Хем", Тываның чогаалчылар эвилелиниң сеткүүлү. 2014. №2. (80) 157. — Кызыл.: 2014 чыл, 156 арыныг, фоточуруктарлыг".