Žadosć
| nadpis | Žadosć |
|---|---|
| awtor | Jakub Bart-Ćišinski |
| lěto | |
| žórło | luzice.euweb.cz |
| licenca | public domain |
| nota | stary prawopis |
Štó wróći do kraja mi lětnje ranje?
Wóń jeho kćěwa, jeho spěwa radosć?
Štó jenož krótku wróći słódku khwilku
Mi jeho wonjenja a zwonjenja?
Přez haj a hono ćehnje zdychowanje,
A w duši cunjozrudna spłakny žadosć -
To echo mrějaceho žiwjenja!
O spěchaj rjanoh' ranja zaswitanje!
Wróć kuzło wonjenja a zwonjenja!