Şima ma ra xirabî
Di qeflê însana yew hepisxane de bî. Nê wird qeflê zi bindestib, esîrib û kesîrib. Wird qeflê zi vêşûnib û têşûnib. Namê yew qeflî Xelas bi, yew zi Celas bi. Qefleyî xelas va: Ma tunêl bikeni, îta ra bixelisi Qefleyî Celas vêng xo nêkerd. Qefleyî xelas xo re hacetî viraştî. Înan fanilê xo eşkawitî, la wo qalin mund, setrê xo yê sextûn dirnayî, satranco texte kerd hedre. Înan sextûn dusna texte ra nefak viraşt, pê na nefak hava da tunêl. Qefleyî Xelas pê meqesî nengûyana şîşî asinîn birnay, pê şîşanî asinînana beton şikit, kerê quil kerdî. Ê şew- roj xebitîyayî. Taye merdiman tetirxûn bîy, destî di tenan şîkiyayî., çimî yew bu kuar, lingê yewî bîy seqet.
Ê ke tunel de xebitîyayn, înan yew roj da piyer, yew embazî xo kişt.
Yew şew zerrê tunel de mere gaz bi yew re. No merdim de nêweşîye veba pêda bîy. No qeflê Xelas hîrîs ser na tunel de xebitiya. Tayin porê xo bibi sipye, tayin mûnê xo bibi quiz. Tayê merdib, taye zi bibî kuar. Yew roj miyanî înan re yew xayin vêciya, xeber da dişmenan. Dişmenî înan ûmê dest û lingî înan bestî, ê erd ra kaşkerdî û berdî eştî cayî qeflê celas. Qeflê Celas ewniya înan re huyayî, pê yarî kerd, va: Şima qtilkarî, ehmaqî, nêzanî, gonewerî, çim kuarî, seqetî, neweşî. Zanayê qeflê Xelas ewniyayî înan re, va: Nê çiyan ke şima vûnî, piyerê înan raştî, jl şima ma ra hêna xirabî. Şima piyer kuelê yî, la xeberê şima, şima ra çîniya.