Şerbeta Lam û Beyan (Nadim)
Şerbeta lam û beyan ez bi heyatê nadim
Badeya le`lê bi ava zulumatê nadim
Hor û wildan û perî cumle cema bin îro
Mûyekê pê ji xetê wê but û latê nadim
Ger bidit destê tewafa pê û destan bigirim
Wê mecalê bi wuqûfa 'Erefatê nadim
Ez û yar ger şevekê herdu hemaxûş bibîn
Leyletu l-qedr e me ew şev bi beratê nadim
Canê şêrîn ko ji yar ra bi xwidan ez dikirim
Ne bi yarê xwe di weqtê sekeratê nadim
Şerbeta zehra helahil ko hebîbê me bi dest
Bi gulab û şeker û qend û nebatê nadim
Ne bi qanûn ko işaret bi şifa'ê bikirit
Ez hilakê xwe di 'işqê bi necatê nadim
Telbe kir weslê ji dilber mi bi 'unwanê zekat
Go tu 'ebd î we bi 'ebdê xwe zekatê nadim
Wê bi peykê bikirîn mat-i reqîbê dîsa
Bi rex û fîl û feres ez şeh û matê nadim
Di semaya seherê dest bi kes dî îro
xeyr-i şîrînqed û mewzûnherekatê nadim
Hate destê me di reqsê we digo bil ji Melê
Dest bi kes dî di semaya ko Mela tê nadim
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse