Čista wutroba

nadpis	Čista wutroba
awtor	Herta Wićazec
lěto
žórło	http://texty.citanka.cz/pata/sc1-35.html
licenca	public domain
nota	Stary prawopis

    Čista wutroba
    Je ta róžička,
    Kiž na kóždym puću kćěje,
    Hdźež so boža lubosć směje,
    Hdźež so zjednoća
    Z wěru nadźěja.

    Čista wutroba
    Je ta studnička,
    Kiž nam dawa móc a sylnosć,
    K dobrym skutkam prawu swěrnosć,
    A we hórkosći
    Dušu wokrewi.

    Čista wutroba
    Je ta hwězdźička,
    Kiž we ćmowej smjertnej nocy,
    Hdyž nam zańdu naše mocy,
    Miłu jasnosć da
    Na puć do njebja.

    Čista wutroba
    Słódke spanje da,
    Hdźež po sprócnym ćežkim dźěli,
    Kiž smy tudy dźěłać měli,
    Smjerć nas powoła
    K měrej do rowa.

    Čista wotruba
    Wjedźe do njebja,
    Pyši nas pri božim trónu
    Z njezachodnej krasnej krónu;
    Čista wutroba
    Wěčnu zbóžnosć ma.