Ñande Ypykuéra

by Narciso R. Colmán

Ñande Ypykuéra  (1937)  by Narciso R. Colmán

Ortografía corregida. Título originalːÑande Ĭpĭ Cuéra. Notas incluídas en español.

Capítulo 1

|Ku Tupã (1) oikoha, Kuarasy (2)

|Opaitére omaña upe guive,

|Arasýre (3) omendapa rire.

|Omoĩ hogarãme, Jasy

|Amarã haku piguĩ,

|Ha hyakuã pe y pytu

|Mombyrýma osunu,

|Overa ha oguiguĩ,

|Ojupi ha oguejy

|Arai, ha oveve,

|Otiríma apete,

|Amandáu okororõ,

|Ha ama ochororo

|Pyharéta javete.

|Ha opa ñu mbytére

|Yvyty (4) ykére

|Pe y morotĩ.

|Jasy iñapyséma

|Yvy ojovahéima

|Ko'ẽ mbotaitéma

|Pe ára ipotĩǃ |}