Çуралнă çĕршыва

by Ахах Иван Евграфович

Çуралнă çĕршыва  (1919)  by Ахах Иван Евграфович

Хайланă дата: 1919, Пичетленĕ çул: 1919. Çăлкуç: chuvash.org

Эп çуралнă çĕршывăм,
Ĕмĕр-ĕмĕрĕпелех
Сана тĕттĕм хуплаймĕ,
Сана усал çиеймĕ.
Çук, çуралнă çĕршывăм,
Нумай тăмĕ шурăмпуç
Сана çутатса ярĕ,
Сан çунатту çитĕнĕ,
Çĕнĕ вăхăт час çитĕ.
Çутă кунсем те пулĕç.
Вара ун чух, çав çут кун,
Пирĕн йăхсем пĕрлешĕç.
Çав ирĕклĕ кун килсен,
Пур пурнакан халăх та
Сана, таса çĕршывăм,
Пуçне тайса пуççапĕ...