Çавраçил
| Çавраçил (1912) by |
| Хайланă дата: 1912, Пичетленĕ çул: 1912. Çăлкуç: Вула Чăвашла |
Çу уйăхин çирĕм тăваттăмĕш кунне,
Сап-сарă хĕвел хĕртсе пăхнă чух.
Хамăн кирлĕ çăмăлпа
Каймалла пулчĕ пĕр яла,
Калама çук пĕр пит пысăк яла.
Яла çитсе кĕнĕ чух
Курăнкалатчĕç хура пĕлĕтсем
Унта-кунта пĕр саплăк,
Çумăр пĕлĕчĕ те мар –
Ахаль хура, хыт пĕлĕт.
Лăпкă, ăшă, уяр çил
Хумхататчĕ майĕпе
Шурă хурăн тăррине.
Унта çунатлă çил арманĕ
Авăратчĕ савăнса
Пĕри тĕшле хура тулă.
Эпĕ хамăн çăмăлпа
Çитес çĕре çиткелесе
Часах тухма пулмарĕ.
Эпе ялтан тухнă чух
Паçăрхи саплăк пĕлĕтсем,
Пурте хуп-хура хуралса,
Паçăрхи хĕртсе пăхакан хĕвеле,
Çутатса тăракан çутă пĕлĕте
Хăй айне хупланă,
Пĕтĕм тĕнчене сарăлса.
Майĕпе хумханакан шурă хурăнсем
Авăнаççĕ уласа,
Пуçпе çĕре тивертес пек.
Ял çывăхĕнчи çил арманĕ,
Çавăрнать ултă çуначĕ,
Армана çавăрса ярас пек,
Петем тĕнчери юрра юрласа.
Чĕтрет арман кăшкарĕ
Ултă çуначĕ çуннипе.
Кĕрлет арманĕ ăшĕнче
Хăрушă аслати алтнă пек.
Сĕлĕ çăнăхне вĕçтерсе,
Тухса тарас пек çавăрнать
Шап-шурă пысăк чул.
Хуçи тухрĕ тулалла,
Ватă пуçĕпе васкаса,
Такăнса ÿкес пек хыпаланса;
Пуçне çÿлелле каçăртса,
Унта-кунта чупкалать.
Пĕр пысăк кашта илчĕ те,
Пуçне вĕрен çыхрĕ те,
Лашапа çитес çук,
Арманĕ йĕри-тавра чупкалать.
Унччен те пулмарĕ –
Килчĕ хуп-хура хуралса
Çил те мар – темĕскер,
Пуçларĕ çĕмĕрме,
Арман çунатне сирпĕтме
Пĕр çунат та хăвармиччен.
Хуçа хăранă вилес пек,
Тарса кĕчĕ армана,
Хурчăка хăваланă кайăк пек;
Пĕр чĕнмесĕр тăрать-çке,
Чĕлхесĕрпе пĕрех пек.
Тăвăл иртсе кайсассăн,
Ялтан çынсем пычĕç те
«Аллах» та «аллах» тиеççĕ.
Эпĕ унтан тухса килнĕ чух
Пуçтарăнчĕç пулĕ тутарсем,
Çĕртен нумаях та кая мар.
1912
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1960 году, соответственно эта работа выйдет в России в общественное достояние в 2031 году.
The author died in 1960, so this work is also in the public domain in countries and areas (outside Russia) where the copyright term is the author's life plus 60 years or less. |