! اويان
| ! اويان محرری: محمد عاكف |
باقسهڭآ كيم بوينىى بوكوك آغلايان؟
حق حياتك سنك أى مسلمان!
قورتارر او بيچارهيى الله ايچون٬
آرتيق أولوم اويقولرندن اويان!
بونجه زماندراويودڭ٬ قانمادڭ؛
چكمديكك قالمادى، اوصلانمادڭ.
چيكنهديلريورديڭى باشدن باشه،
سن ينه بر كره قيملدانمادڭ!
ننى دكل ديكلهدكيك ولوله..
كولرهيهرك آقمادى مستقبله٬
برابدى سلكى زماندرآدى؛
هايدى قاتيل سنده او جوشقون سله.
قارشى طورولماز، جريان سينه چاك..
وارسه طورانلر اولور البت هلاك.
طالغهلرك آكلامادن سيرينى،
كوز كوره كردابه، نهرد انهماك؟
دهشت ماضىيى كتير يادڭه؛
كيمسه يتيشمزيارين امداديڭه.
مرحمتك يوق دييهلم نفسڭه؛
مرحمت ايتمزميسين اولادڭه؟
بن اونى دنيايه كتيردم... دييه
قالقيشهجقسك ديمك اولدورمهيه!
سوق ايدييورمش مكرانسانلرى،
حق ابوّتده بو جانيلكه!
طوغريميدر يأس ايله اولمق تباه؟
يوقمى كلوب غيرته بر انتباه؟
بكلهديكك صبح قيامتميدر؟
كون باتيور٬ سن آرييورسين صباح!
كوزلرى ماضىيه باقاننن ملتك٬
عمرى تماديسى اولور نكبتك.
قارشڭه مستقبلى جيكمش خدا٬
كورمهيه٬ لكن دها يوق نيتك!
اى قوجه شرق٬ أى بدى مسكنت!
سنده قيميلدانمهيه بر نيت ايت.
قورقيورم ٬ غربك النده يارين،
قالمايهجق چكمديكك ملعنت.
حق حياتك دها چيكننمهدن٬
قان دوكهرك آلماليسين مرد ايسهڭ.
چونكه بو كون اورتهده حق صاحبى٬
بر كشيدر: « حقمى ويرمم » ديين.
٥ شباط ۳۳۰
محمد عاكف