Xalos o‘lmoq tilar bo‘lsang agar davron jafosidin...
Xalos o‘lmoq tilar bo‘lsang agar davron jafosidin,
Unut o‘zlukniyu, o‘t odamiliq muddaosidin.
Qachonkim yor ko‘yida gadolig‘ dodini berdim,
Umid uzdim jahon sultoniyu farmon ravosidin.
Nigorikim, aning bir lahza javridin xalos ermam,
Mahol ishdur manga ummid tutmog‘liq vafosidin.
Salomat ahli, ayb etmang malomatdin g‘amim yo‘qsa,
Ki qo‘ymaymen hazin jonimg‘a minnat el azosidin.
Bilay desang agar vayronu dog‘ o‘lg‘on ko‘ngul holin,
Kelib so‘rg‘il bu bo‘ston chug‘ziyu bag‘ri qarosidin.
Bihamdillahki, undi mehr o‘ti, parvarish topdi,
Ko‘ngul bog‘ida ohi ashkimi obu havosidin.
Qarorg‘on ko‘zlarimga to‘tiyo qilmoq uchun keltur
G‘ubori, ey menga ul nozanin ko‘yi fazosidin.
Qulingmen, soqiyokim, bir qadah may birla qutqording,
Meni lab tashna maxmuringni xudbinlik balosidin.
Muhayyir tiyra baxtin ko‘rki rohat orzu qilsa,
Etar ozor g‘amlik jonig‘a o‘z oshinosidin.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse