Wrót do Serbow

Wrót do Serbow

    Hory módre, ja was znaju:
    Ja sym zaso w serbskim kraju,
    Hdźež mi bydli wutroba;
    Młódnozelena ty strona,
    Wokřewjace serjaske hona,
    Wy sće moja domizna.

    O ja słyšu hižo z nowa
    Slěbroklinčne serbske słowa,
    Słódku rěč mi maćeŕnu:
    Kotrychž jenak w mysli nošu,
    We duchu was wšitkich košu,
    Serbja w rjanej Łužicy!

    Dźensa róžička mi kćěwa,
    Dźensa zbožo mi so směwa,
    Kaž dźeń běły, nalětni!
    Kajke žiwe pukotanje,
    Kajke zbóžne začuwanje,
    Zo sym zaso mjez wami!

• Author: Křesćan Bohuwěr Pful (public domain)
• Source: http://texty.citanka.cz/pata/sc1-9.html
• Note: Stary prawopis