Vip jilepula

Lid Polänik bai noated fa ‚Fr. Chopin‛.

1.

Ag! if as sol dabinoböv len sil,
tän sedoböv stralis as lelöfafil

te pro ol, no pro fels,

no pro fots, no pro bels;

nö! da fenät ola.

Si! straloböv us dub lelöf e zil,
ag! if as sol dabinoböv len sil.

2.

Ag! as bödil kanitovöb^[1] in lut;
lid dranonöv lü ol dub lelöfaglut.

Te pro ol, no in fels,

no in fots, no su bels,

nö! lä fenät ola

ob as bödil kanitoböv in gad;
lid dranonöv te lü ol ini lad.

NOETS. (Vükifonät)

1. Bükapök; pla: kanitoböv.

Se Volapükagased (Zänagased pro Volapükanef) 1959, Nüm: 3, Pad: 12.