Talk:Mattheo Capitulo 9

CAPITULO9

Mat9:1

Alora, montante al barca, ille transversava 
e veniva a su proprie citate.

Mat9:2

Ecce! Illes le apportava un paralytico jacente 
in un lecto. Vidente le fide de illes, Jesus 
diceva al paralytico: "Prende corage, filio; 
tu peccatos son perdonate".

Mat9:3

E ecce, alicun del scribas diceva intra se: 
"Iste blasphema".

Mat9:4

E Jesus, vidente le pensatas de illes, 
diceva: "Proque vos pensa cosas inique 
in vostre cordes?

Mat9:5

Per exemplo, que es plus facile?, 
dicer: Tu peccatos son perdonate?
o dicer: Leva te e ambula?

Mat9:6

Non obstante, pro que vos sape que 
le Filio del homine ha autoritate 
in le terra pro perdonar peccatos... 
- - diceva tunc al paralytico - - 
Leva te, prende tu lecto e vade a 
tu casa".

Mat9:7

E ille se levava e se vadeva a su casa.

Mat9:8

Vidente isto, le multitudes se 
meraviliava con timor, e glorificava 
Deo qui dava tal autoritate al homines.

Mat9:9

E passante de illac, Jesus videva 
un homine, Mattheo se appellava, 
sedite in le bureau de impostos, 
e le diceva: "Seque me". E levante se
le sequeva.

Mat9:10

Plus tarde, stante ille in le casa reclinate al mensa, 
ecce,  multe perceptores de impostos e peccatores veniva 
e illes comenciava reclinar se con Jesus e su discipulos.

Mat9:11

mais vidente isto, le Phariseos se poneva a dicer a lor
discipulos: "Per que mangia vostre maestro con le
publicanos e peccatores?".

Mat9:12

Como ille [ les ] audiva, ille diceva:
"Le personas in salute non necessita medico,
mais le infirmes si.

Mat9:13

Vade vos, tunc, et apprende lo que isto significa:
'Io vole misericordia, e non sacrificio'.
Proque io non veniva pro appellar le justos, si non
le peccatores".

Mat9:14

Tunc le discipulos de Johannes veniva a ille e
demandava: "Proque nos practica le jejuno e le phariseos,
mais tu discipulos non jejuna?".

Mat9:15

E Jesus diceva les: "Le amicos del sposo non ha 
motivo pro lamentar se durante que le sposo es con illes, 
nonne? Mais il venira dies in le qual le sposo 
les essera quitate, e tunc illes jejunara.

Mat9:16

Necuno mitte un pecia de drappo nove a un vestimento vetere;
proque su plen fortia tirarea del vestimento, e un pejor
scissura se facerea.

Mat9:17

Ni se pone vino nove in utres vetere; si non le utres
se rumpe e le vino se effunde e le utres se perde.
Mais, se mitte le vino nove in utres nove, e ambe
cosas se conserva".

Mat9:18

Durante que ille les diceva iste cosas, ecce, un
principal arrivava e le adorava, dicente:
"Mi filia ha morite; mais veni e pone tu mano sur illa,
e illa vivera".

Mat9:19

Tunc Jesus, levante se, comenciava a sequer le;
etiam lo faceva su discipulos.

Mat9:20

Et ecce, un femina qui infirme de un fluxo de sanguine
per dece-duo annos veniva per detra e toccava le orlo
del vestimento de ille;

Mat9:21

proque illa diceva intra se:
"Si io solo tocca su vestimento,
io sera san".

Mat9:22

Jesus se tornava, e observante la, diceva:
"Confide, filia; tu fide te ha sanate".
E desde ille hora le femina esseva sanate.

Mat9:23

E quando entrava in le casa del governante
e videva al flautistas e al multitude in tumulto,

Mat9:24

ille diceva: "Retira vos, proque le puera non ha morite,
si non que illa dormi". E illes se rideva de ille.

Mat9:25

Ma quando le multitude esseva jectate foras,
ille entrava e prendeva le mano de illa,
e le puera se levava.

Mat9:26

E se divulgava le fama de isto per tote ille terra.

Mat9:27

E passante Jesus de illac, duo cecos le sequeva,
clamante e dicente: "Ha misericordia de nos, Filio de David".

Mat9:28

E quando ille entrava al casa, veniva a ille le cecos
e ille les dice: “Vos crede que io pote facer isto?”
Illes le dice: “Si senior.”
  

Mat9:29

Alora ille toccava le oculos de illes, e diceva:
"Secundo le fide vostre, sia facite a vos".

Mat9:30

E se aperiva le oculos de illes.
E les commandava severmente Jesus, dicente:
"Vide vos que necuno lo sape".

Mat9:31

Illes, non obstante, depois sortir,
divulgava le fama de ille per tote ille terra.

Mat9:32

Ora, quando illes sortiva, ecce, on le apportava
un homine mute indemoniate;

Mat9:33

e quando esseva expulsate le demonio, le muto parlava.
E le multitude se meraviliava, dicente: "nunquam on ha
vidite cosa similar in Israel".

Mat9:34

Mais le Phariseos diceva: "Per le governante del
demonios ille expulsa le demonios".

Mat9:35

E percurreva Jesus tote le citates e villages,
inseniante in sus synagogas e predicante le
bon novas del regno e curante tote sorte de
dolentia e tote sorte de infirmitate.

Mat9:36

Vidente le multitudes, ille habeva compassion
Pro illes, proque illes esseva vexate e jacente
Como oves que non ha pastor.

Mat9:37

Tunc ille diceva a su discipulos: "le messe es 
grande, mais le obreros son poc.

Mat9:38

Roga dunque al Domino del messe que ille invia
obreros a su messe".