Sott a la porta
Jump to navigation
Jump to search
| ←La nott de Natal | Sott la porta (1894) by |
In portinaria→ |
Ciao, Peppin, se vedem neh, doman
Te specci come al solit sul canton...
– No, spèccem minga, podi no... – Giavan:
Ma se te corret che te fee impegnon!...
– No, stella dora, podi no, debon,
Vo via doman mattina de Milan...
Me tocca andà, me manda el mè padron...
E sbassi el coo, se sa, mangi el sò pan...
– Varda, Peppin... – No, cred... – Ben va, l'è vera,
– Dopodoman, va ben? – Va ben nagott,
San March! pazienza, ven on poo bonora...
– S'en parla nanca... prima anmò di vott...
– Ciao... – El basin?... – l'è in collera la sciora?
– No, ma.. vun sol... – Fortunna che l'è nott!