Se al mio partì un solo suspir dal pet
Jump to navigation
Jump to search
| Se al mio partì un solo suspir dal pet (1828) by |
| Poesie scelte edite ed inedite in dialetto friulano |
Partenza da Polimia
SONETTO
SE al mio partì un solo suspir dal pet
Butass Polimie, oh! quant che chest miò cuur
Content al partiress, che par je muur,
Sol par amale trop, par trop afiet.
Quant gust jò sentiress e quant dilet
Se di tante furtune foss sicûr;
Ma il miò fatal destin pervers e dûr
Tante felicitat no mi promet.
Miò ben, da te lontan vòi a murì,
E almen mi foss concess un sol moment
Podè mostrati il cuur in tal partì.
Fuars, che fate pietose al miò torment,
De biele bochie to poress sintì
Un sol suspir, e muriress content.