Quickborn/Jehann, nu spann de Schimmels an!
Jump to navigation
Jump to search
Jehann, nu spann de Schimmels an!
Nu fahrt wi na de Brut!
Un hebbt wi nix as brune Per,
Jehann, so is’t ok gut!
Un hebbt wi nix as swarte Per,
Jehann, so is’t ok recht!
Un bün ik nich uns Weerth sin Sæn,
So bün’k sin jüngste Knecht!
Un hebbt wi gar keen Per un Wag’,
So hebbt wi junge Been!
Un de so glücklich is as ik,
Jehann, dat wüllt wi sehn!