Puʻuwaʻawaʻa
| Puʻuwaʻawaʻa (1917) |
Kipa i ka ʻolu o Puʻuwaʻawaʻa
E hiʻi ʻia mai la e Hualālai
Ia home i puīa me ke aloha
Pihanakalani wehi i ka pua
Hui:
ʻO ka ʻoluʻolu nō me ka nahenahe
Ke kuini maoli pua o ka home
Keliʻiheleloa ʻoe ʻo Kinaʻu
Ke aliʻi wahine o Puʻuwaʻawaʻa
Pumehana ke aloha ʻo Lope Haina
Keiki o ka āina haʻaheo
Hanahono Hawaiʻi ua kiʻekiʻe
Kilohana nā kuahiwi ʻekolu
Ke pā mai nei e ka Mumuku
Ka makani o lau niu o Kekaha
Kāhea mai Kīholo i ka laʻi
ʻAuʻau i ke kai ko nahenahe
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication.
Public domainPublic domainfalsefalse