Pr'una lettra ricevù da Milæn
Jump to navigation
Jump to search
Giuseppe Bignami (1799–1873)
Pr'una lettra ricevù da Milæn
SONÆTT
Guardè chi, propi lu, 'l Siour tal di tal,
lu pappà di dialætt e di linguagg
degnass da scrìv a mei, ma pr la qual
parchè gh'è capità quæi mè versagg!
Piasègh dabbon, dabbon quæl piccoul sagg
arblà su pr 'l tacquin guer guer in fal;
sanguanona che lott, o che bèl ragg
da mætt in si canton, e sui giornal!....
E peu spongiam ansì da fann pur tant,
disendam ciàr e nætt che l'è 'l mè càs
da perdam no in ti strazz, e d'èss content.
Lu 'l parla bei, sur Coss, ma e i ficca-nàs
i chegadùbi, sti siorenn galant
na lasseræn peu sta col coeur in pàs?