Pened hiela Manoritta gasede: Volapükabled Tälik 1

Vipöl vedön bonedel volapükableda tälik, kel papübom vamulo fa ol in Torino, äpotob ole suämi boneda yelsik. Otüpo begob oli sedön obe samadi bal glamata pelautöl fa ol. Ko pened at potob i ole zülagi pepüböl fa volapükaklub obsik e keli givobs glato al pakön volapüki in Pebaltats. Klub at pefünom in novul äyela, jelü niver tata, fa plofed H. Deiler e numom ya kopanalis 140 bevü kels läds mödik, yunik e bäledik.

Ästudob ko löf püki at jönik e nitedik keli tuvob nefikulikün i bi sevob pükis anik Yulopa e äsludob pakön volapüki in kolun obsik kel numom tälelis 15000 e kelas binob pädel.

In New-York suno opubom vödasbuk volapükik e nelijik.

New-Orleans, 1888, 3^ul 8^id.

MANORITTA.

Se Volapükabled Tälik 1888, Nüm: 6, Pad: 46.