ᏥᎦᏘᏴᏉ, ᎠᎴ ᎬᏆᎵᏍᎦᎢᏍᏔᏅᎩ ᏫᏙᏥᏯᎦᎿᏅᎩ, ᎠᎴ ᎠᏆᏛᎦᏅᎩ ᎯᎠ ᏅᏛᎤᏪᏒᎩ ᎦᏛ ᏓᏓᎿᏩᏍᏛᎢ, ᎩᎬᏃ ᏧᏬᏰᏂ ᎠᎴ ᏧᎳᏏᏕᏂ ᎠᎴ ᎠᏍᏆᎨᏂ ᏓᏔᏍᎩᏍᎬᎩ. ᎳᏫᏅ, ᏄᏍᏆᏂᎪᏗᏉ ᎾᏍᎩ ᎤᏁᏨᎯ! ᏥᎪ ᏛᎦᏛᎦᏂ ᏔᎵᏁᎢ ᎾᏍᎩ ᎧᏁᎬᎢ? ᎠᏆᏛᎦᏅᎩ ᎯᎠ ᏅᏓᏳᏪᏒᎩ, ᎠᏇᏥ ᎤᎦᎵᏍᏗ ᎭᏓᏅᏓᏓ; ᏣᏍᎦᏅᏨᎢ, ᎾᏍᎩ ᎤᏣᏘ ᏥᎩ, ᏂᎦᏗᏳᏉ ᎡᏣᏙᎵᎩ.” ᎾᏍᎩ ᏄᏍᏆᏂᎪᏗ ᏅᏛᎩᏪᏎᎸᎩ, — ᎦᎸᎳᏗ ᎠᏁᎯ ᎨᏥᏅᏏᏓᏍᏗ ᎾᏍᎩ ᎢᎬᏩᏂᏪᏍᏗ ᏂᎨᏒᎾ. ᎠᏆᏛᎦᏅ ᎠᎩᎾᏫ ᎤᏔᏍᎩᏍᏔᏅᎩ ᎦᎵᎡᎵᎬᎢ—ᏚᎳᏍᎬ ᎠᎩᏅᏨᎩ —ᎥᏝ ᎪᎱᏍᏗ ᎬᏆᏛᏗ ᏱᎨ4, ᎯᎠᏉ ᎤᏩᏒ, ᎦᎸᏉᏗᏳ, ᎦᎸᏉᏗᏳ, ᎦᎸᏉᏗᏳ! ᏄᏍᏛ ᎠᎩᎪᎲᎢ ᎤᏓᏅᏒᎩ,— ᎠᏆᎫᏍᏙᎩᏱ ᏔᎵᏁ ᏩᏆᎵᏢᏅᎩ — ᏓᎩᏍᏚᎩᏒᎩ ᏗᏥᎦᏙᎵ; ᎠᎴ ᎠᎵ ᎠᎩᏔᏄᎪᏦᏅᎯ ᎨᏒᎩ. ᎯᎠᏃ ᎾᎩᏪᏒᎩ, ᎥᏝ ᏱᎦᏍᎩᏓᏍᎨᏉ! ᎥᏝ ᎳᏫᏅ, ᏥᎦᏔᎭ ᏥᏌ ᎩᎬ ᎤᏤᏬᏤᎸᎢ ᎠᏴ ᎠᎩᏍᏕᎵᏍᎬᎢ, ᎠᎴ ᎠᏴ ᎠᎩᏲᎱᎯᏎᎸᎢ. ᎪᎢᏳᎲᏍᎦ ᏂᎦᎥ ᎠᏚᎢᏍᏔᏅ, ᎾᏍᎩ ᎠᏚᎢᏍᏔᏅ ᎦᎸᏉᏗ, ᏥᏍᎩᎪᎵᏰᎲ ᎪᏪᎵᎯ, ᎠᎴ ᎪᎢᏳᎲᏍᎦ ᏰᎵᏉ ᎬᎩᏅᎦᎸᏗ ᎨᏒ ᎾᏍᎩ ᎩᎬ ᏓᏓᎿᏩᏍᏛ ᏧᏨᏤᎢ. ᎥᏝᏃ ᎿᏉ ᏱᏥᏍᎦᎢᎭ ᎠᎩᏲᎱᎯᏍᏗᏱ; ᎥᏝ, WᏫᏅ, ᎥᎩᏙᎵᏨᏰᏃ ᏥᏌ ᎨᏒ ᏅᏗᎤᎵᏍᏙᏔᏅ. ᎥᏝᏃ ᎿᏉ ᎪᎱᏍᏗ ᏯᏆᏚᎵᎭ; ᎠᏆᏛᏅᎢᏍᏗᏉ ᎿᏉ ᎠᎩᏲᎱᎯᏍᏗᏱ; ᎥᏝ ᏱᏆᏚᎵᎭ ᎠᏏ ᎠᏆᎴᏂᏓᏍᏘᏱ — ᏂᎪᎯᎸᎾᏉ, ᎠᎴ ᎦᏙᎴᎣᏍᎦ ᏂᎪᎯᎸᎾᏉ ᎠᎵ-
