Page:The dairyman’s daughter; Bob the sailor boy.pdf/57

From Wikisource
Jump to navigation Jump to search
This page has been proofread.
53
ᎤᏅᏗ ᎦᏃᏗᏍᎩ ᎤᏪᏥ.

ᏅᎯ ᎾᏍᎩ ᎣᏥᏊ ᏫᏍᎩ ᎣᏣᏁᎵᏙᎲᎢ ᏔᎵ ᎠᏆᏛᏗᎭ ᎠᏆᏁᎳᏅᎯ, ᎠᎴ ᏥᏯᎵᎡᎵᏤᏉ ᎪᎯ ᎢᎦ ᎨᏒ ᎠᏂ ᎤᏲᎱᏒᎯ ᏥᎦᎾ ᎠᎴ ᏗᏛᏃᏛ ᎨᏒᎢ ᏄAᏁᎳᏩᏕᎬᎾᎹ ᏥᎩ ᎾᏍᎩ. Ꮀ ᎣᏏᏳ ᎯᎠ ᏄᏍᏛ ᏴᎦᏔᏩᏕᎦ, ᎨᎵᏉ, ᎤᏛᏅᎩ.

ᎩᎶᏃ ᎢᏳᎾᏍᏗ ᏄᎾᏓᎴ ᎿᏉ ᎤᎾᏖᎳᏛᎩ ᎣᏍᏗᏬᏂᏍᎬᎢ, ᎾᏍᎩᏃ ᎣᏣᎵᏃᎮᏍᎬᎢ ᏄᏍᏛ ᎤᏅᏗ ᎦᏃᏗᏍᎩ ᎤᏪᏥ ᎤᎴᏂᏙᎸᎢ ᎠᎴ ᏄᏍᏛ ᎤᏙᎴᎰᏒᎢ ᎤᏣᏔᏅᎯᏉ ᎠᎦᏌᏯᏍᏙᏗ ᏂᎦᎵᏍᏗᏍᎬᎩ ᎠᏂᏃᎮᏍᎬᎢ. ᎾᏂᎥᎢ ᏌᏉᎭ ᎨᏒ ᎠᏎ ᎪᎱᏍᏗ ᎤᏂᏃᎮᏗ ᏂᎦᎵᏍᏗᏍᎬᎩ ᎣᏍᏛ ᏄᏩᏅᎢ ᎤᏓᏅᏖᏗᏱ ᏧᏁᎶᏗ ᎨᏒᎢ. ᎠᏏᏴᏫ ᎤᏍᏗᎩᏛ ᎪᎱᏍᏗ ᏧᎾᏓᎿ ᎠᏏ ᏔᎳᏍᎪᎯ ᎢᏳᏕᏘᏴᏛ ᏂᎨᏒᎾ ᎠᏛ, ᎾᏍᎩ ᎢᎬᏱ ᏧᏱᎸᏍᏔᏅᎢ ᎤᏕᏅᎢ ᎤᏣᏘ ᏄᎵᏌᎶᏛᎾ ᎤᎴᏂᏙᎸᎯ ᎨᏒᎩ, ᎾᏍᎩ ᎬᏂᎨᏒᎢᏳ ᏂᎦᎵᏍᏗᏍᎬᎩ ᎤᏣᏔᏅᎯ ᎤᏓᏅᏖᏙᏗ ᎤᏱᎶᎮᎲᎢ ᎾᏍᎩ ᏄᏍᏛ ᎣᎩᏃᎮᎸᎢ ᎾᎯᏳ ᎢᎯ. ᎾᎯᏳᏃ ᎣᏂ ᎠᏆᏙᎯᏳᎾᏁᎸᎯ ᎢᎩ ᎾᏍᎩ ᎤᏁᎳᏅᎯ ᎾᎯᏳ ᎤᎴᏅᎲ ᎤᏁᏟᏴᎡᎲ ᎤᏓᏅᏙᎩᎯ ᎾᏍᎩ ᎣᏌᏂ ᎦᏰᏥᏬᏅᏗ ᏂᎨᏒᎾ ᏥᎩ ᎤᏑᏰᏍᏗᏱ ᏄᎵᏍᏔᏅᎢ.

ᎤᏣᏔᏅᎯ ᎢᏅᎯᏳ ᏄᏓᎴ ᏂᎦᎵᏍᏗᎭ ᎢᏳᏃ ᏱᏓᏟᎶᏍᏔᏅ ᎤᎯᏐᏗ ᏥᎨᏐᎢ ᎠᎴ ᎤᎾᏓᏅᏛ ᏅᏛᏓᎴᎲᏍᎩ ᏂᎨᏒᎾ ᏥᏚᏂᎸᏫᏍᏓᏁᎰᎢ, ᎠᎴ ᎪᎱᏍᏗ ᎬᏕᎶᏆᏍᏗ ᏂᎨᏒᎾ ᏥᎨᏐᎢ, ᎠᎴ ᏯᏃᎩᏳ. ᏃᏒᎾᏉ ᎬᏰᎸᏗ ᏣᎾᏓᏟᏏᏍᎪᎢ ᎤᏂᏲᎱᏒᎯ ᎠᏂᎾᎥᎢ.

Retrieved from "https://wikisource.org/w/index.php?title=Page:The_dairyman’s_daughter;_Bob_the_sailor_boy.pdf/57&oldid=863930"