This page has been proofread.
33
ᎤᏅᏗ ᎦᏃᏗᏍᎩ ᎤᏪᏥ.
ᎠᎩᏍᎦᎢᏍᏗ ᎢᏳᎵᏍᏙᏗᏱ ᎠᏂ ᎡᎶᎯ ᎨᏒ ᎠᏥᏰᎸᏍᎬᎩ. ᎠᏎᏃ ᏂᎦᎥ ᎥᏆᏕᎰᎯᏍᏗᏍᎬᎢ ᎾᏍᎩ ᏅᏗᎦᎵᏍᏙᏗᏍᎬ ᏨᎩᎸᏉᏗᏍAᏉ ᏥᏰᎸᏍᎩ ᎨᏒᎩ, ᏕᎦᎦᏥᏁᎲᏉ ᎬᎩᏍᎦᎩ, ᎠᎴ ᎦᏓᏙᎵᏍᏗᏍᎬ ᏥᏔᏲᎯᎲ ᎾᏍᎩ ᎣᏍᏛ ᎢᏳᎾᎵᏍᏓᏁᏗᏱ; ᎠᎴ ᎦᏓᏅᏖᏍᎬ ᎪᎯᏗᏳᏉ ᏂᎨᏒᎾ ᎨᏒ ᎾᏍᎩᏯ ᎠᏋᏒ ᏂᏕᎬᏁᎸ ᎠᏂᏐᎢ. ᎾᏍᏉᏃ ᎦᏓᏅᏖᏍᎬ ᎦᎶᏁᏛ ᏂᎦᎥ ᎠᏂᏍᎦᎾ ᎬᏩᏰᎪᏅᎯ ᎨᏒᎢ; ᎾᏍᎩᏃ ᏣᎨᏲᎲᏍᎩ ᏰᎵ ᎬᏩᏂᎩᏓᏁᏗ ᏂᎨᏒᎾ ᏥᎩ ᏧᏪᏲᎲᏍᎩ, ᎦᎵᎡᎵᎦᏉ ᏰᎵ ᎾᏍᎩᏯᏍᏙᏗ ᏂᎦᎵᏍᏗᏍᎬ ᎤᎩᎵᏲᏨᎯ ᏥᎩ ᏥᎩᎵᏲᎬᎢ, ᎤᏛᏅᎩ. ᏝᏍᎪᏃ ᎾᎯᏳ ᎤᏪᏙᎵᏍᏗ ᏱᏔᏓᏅᏖᏕᎢ ᎪᎱᏍᏗ ᏗᏨᎾ ᏗᏤᏅᏒ ᏅᏛᏂᏂ, ᎠᏆᏛᏅᎩ.
ᎥᎥ, ᎤᏙᎯᏳᎯ ᎾᏍᎩ ᏄᏍᏛᎩ, ᎥᏝ ᏯᏆᎵᏛᏓᏁᎮ ᏕᎦᏓᏅᏖᏍᎬᎢ. ᏯᏃᎩᏳ ᎦᏓᏙᎵᏍᏗᏍᎬ ᎾᏍᎩ ᎣᏍᏛ ᎢᏳᎾᎵᏍᏓᏁᏗᏱ, ᎠᎴ ᎤᏣᏔᏅᎯ ᎠᏇᎵᎯᏍᎬ ᎣᏍᏛ ᎢᎦᏥᏯᏛᏁᏗᏱ. ᎡᏙᏓ ᎠᏗᎾ ᎠᎴ ᎡᏥ Ꮀ ᎤᎬᏫᏳᏒ ᎤᏟ ᏂᎦᎥ ᎠᏆᏚᎵᏍᎬ ᎣᏍᏛ ᎢᎦᏥᏯᏛᏁᏗᏱ, ᎿᏉᏰᏃ ᏓᏂᎦᏴᎨᎳᎬᎩ ᎠᎴ ᎾᏂᎦᏔᎿᎥᎾᏉ ᎠᎴ ᎤᎵᏏᎩᏳᏉ ᏄᎾᏛᏅ ᎨᏒᎩ, ᎤᏛᏅᎩ.
ᎤᏙᎯᏳᎯ, ᎤᏛᏅ ᎤᏥ ᏔᎵ ᎤᏩᏛ ᎠᏠᏱᎲᎢ, ᏃᏍᏗᎦᏔᎿᎥᎾᏉ ᎤᎵᏏᎩᏉ ᏃᎩᎾᏛᏅᎩ, ᎣᏍᏗᏍᎦᎾᎯᏳ ᎠᎴ ᎤᏲᏉ ᎣᏍᏚᎲᎩ, ᎬᏂ ᎯᎠ ᎣᏍᏗᎨᏳᎢ --- ᎣᏍᏗᎨᏳᎢ ᎵᏏ --- ᎯᎠ ᎣᏍᏗᎨᏳᎢ ᎣᎩᏁᏥ ᎣᏍᏗᏁᎸ ᏧᎥᏔᏂᎶ ᎢᎦᎦᏛ ᎬᏂᎨᏒ ᏃᎩᏅᏁᎸ ᏥᏌ ᎦᎶᏁᏛ, ᏅᏛᏅᎩ.
