Page:The dairyman’s daughter; Bob the sailor boy.pdf/13

9

ᎤᏅᏗ ᎦᏃᏗᏍᎩ ᎤᏪᏥ.

ᏁᎭ; ᎾᏍᎩᏃ ᎦᎶᏁᏛᏉ ᏗᏥᏯᏓᏲᎯᏎᏗᏱ ᎤᏩᏒᎯᏳ ᎠᏆᏚᎵᎭ, ᎠᎴ ᎦᎶᏁᏛ ᎤᏩᏒᎯᏳ ᎠᎩᏍᏕᎵᏍᎩ ᎢᏳᎵᏍᏙᏗᏱ ᎠᏆᏚᎵᎭ, ᎤᏛᏅᎩ.

ᎿᏉᏃ ᎢᎤᎵᏛᏗᏉ; ᎤᏚᎩᏉᏃ ᎠᏋᎭ ᎤᎸ ᎤᏓᏙᎵᏍᏔᏅᎢ ᎾᏍᎩ ᎤᏓᏅᏙ ᎤᏓᏁᏟᏴᎡᏗᏱ ᎤᏔᏲᎸᎢ ᎠᎦᏛᎦᏁᎸᎯᏉ ᎨᏒᎢ. ᎤᏁᎳᏅᎯ ᎾᏍᏉ ᎤᏛᎦᏁᎸᎯ ᏫᏂᎦᎵᏍᏓ ᏧᎦᏴᎵᎨ ᎣᏍᏛ ᎢᏳᎾᎵᏍᏓᏁᏗᏱ ᎤᏓᏙᎵᏍᏔᏅᎢ.

ᎾᏍᎩ ᎣᎩᎾᎵᏃᎮᎸᎢ ᎤᏟ ᎣᏏᏳ ᎠᎩᏰᎸᏗ ᏄᎵᏍᏔᏅ ᏄᏍᏛ ᎪᏪᎵ ᏅᏛᏉᏪᎳᏁᎸᎯ ᎨᏒᎢ; ᎠᎴ ᎠᏇᎵᎯᎥ ᏗᎩᏔᏲᏎᎸ ᎢᏯᏆᏛᏁᏗᏱ, ᎠᎴ ᏦᎩᎾᏓᎦᏙᎥᏍᏗᏱ ᏅᏛᏉᏪᎳᏁᎸᎯ. ᎠᏗᎾ ᎠᏎ ᏫᏥᎦᏔᎮᏍᏗᏉ ᎠᏥᏂᏏᏍᎬ ᎯᏍᎩᏁ ᎢᎪᎯ ᎾᎯᏳ ᎧᎳᏩᏗᏒ ᎢᏣᏛᏅᎢ ᏥᏲᏎᎸ ᎤᏅᏗ ᎦᏃᏗᏍᎩ. ᎾᏍᎩ ᏞᎦ ᎣᎩᎾᎵᏃᎮᎸᎩ ᎣᏍᏗᏁᎢᏍᏗᏍᎬ ᏄᏍᏛ ᎤᏓᏅᏛ ᎾᏍᎩ ᏄᎵᏍᏓᏁᎸᎢ ᎩᎳᏃ ᎥᎤᏪᏅᏒᎩ. ᏗᎧᏃᏗᏱ ᎠᏎ ᎠᎦᏌᏯᏍᏙᏗ ᎦᎸᏉᏙᏗ ᎨᏒᎩ ᎤᏛᏐᏅᎯ. ᎦᏁᎪᏳᎯ ᎨᏒ ᎤᎧᏛᎢ ᎠᎴ ᎤᏩᏣᎾᎪᎯ ᎨᏒᎩ, ᏓᎦᏌᏬᎢᎲᏃ, ᎦᏐᏆᏘᏃ ᎨᏒᎢ ᎠᎴ ᏩᎾᎦᎳᎯᏳ ᎨᏒ ᎡᎬᎢ ᎬᏂᎨᏒ ᏄᏩᏁᎲ ᎪᎯᏗᏳ ᎡᎶᎯ ᎤᎴᏂᏙᎸᎢ. ᎿᏉᏃ Ꮩ ᎤᏙᎳᏅᏍᏗᏗᏒ ᏭᏪᏅ ᎠᎴ ᎪᎯᏗᏳ ᎾᏍᎩ ᎠᏙᎳᏅᏍᏗ ᎤᏪᏂᏙᎸᎯ ᎨᏒ ᎬᏂᎨᏒᏳᎢ ᏂᎦᎵᏍᏗᏍᎬᎢ ᎿᏉ ᎤᏣᏘ ᎠᏆᏓᏅᏖᏗ ᎾᏆᎵᏍᏓᏁᎸᎩ, ᎾᏍᎩ ᎠᏏ ᎩᎳᎯᏳ ᎢᎬᎫᏘᎶᏍᎪᎢ, ᎠᎴ ᎣᏐ ᎢᏥᏰᎸᏍᎪ ᎦᏓᏅᏛᎵ.

ᎿᏉᏃ ᎾᎯᏳ ᎠᎩᏁᏨ ᏩᎩᎷᎯᏁᏍᏗᏱ, ᏩᎩᎷ-