Page:Tain Bo Cuailnge.djvu/21
From Wikisource
This page has been validated.
9
TÁIN BÓ CÚAILNGE
ddaánaic, acht .v. oss aránic in slóg ule diib. Dothǽgat iarsudiu i mMag Trego, ⁊ scurit and, ⁊ arfognat dōib. Asberatsom is andsin rogab Dubthach in láidseo:
- Atmaid nád chúalaid cosse costecht fri tress nDubthaige:
- slúagad nímdub arubthā fri Findbend mnā Ailellá.
- Doficfe in slúagadach gébas ar c[h]end éte Murthemne[1]:
- ībait fiáich lúgbairt lacht di gnáis inna muccaide.
[YBL 17a]
- “Crib,” ol Ailill fri Cormac, “tāit co comsaigid far mac.
- Nī thǣd[6] di maigib in būair nāchrouba[7] fūam int slūaig.”
- Bid cath andso iarsindn ūair[8] la Meidb co triun int shlūaig:
- Biait colnai de ine[9] de dianubtī in rīastairthi.[10]”
Dosfōpair thrā ind [N]emain[11] lasodain, ⁊ nipsī sin adaig ba sāmam dōib la būaidris[12] and athaich .i. Dubthaich[13] triana chodlad.[14] Foscerdad inambuidne[15] fochētōir, ⁊ focherd dīrna mōr dint slōg, co luid Meadb dia cosc.[16] Dothīagat iarum co feōtar i nGrānairiud[17] Teathba tūaiscirt.[18]
Dobreth robad[19] ō Ḟergus isuidiu cu Ultu ar c[h]ondalbai.[20] Bātirside hi ceass collēic[21] acht Cūchulaind ⁊ a athair .i. Sūaltaim. Doluid Cūchulaind ⁊ a athair iar rīchtain[22] ind robuid ō Ḟergus co mbātar i nnIrardd Chuilleand[23] oc forcomēt[24] int shlōig and. “Atā menma int slōig and[25] anocht,”[26] ol Cūchulaind fria athair.- ↑ The half-line has two superfluous syllables
- ↑ leg. Crón
- ↑ leg. friū
- ↑ Here begins the YBL. version
- ↑ sléib túad Ocháini LU.
- ↑ thǽt LU.
- ↑ nachrobda LU.: leg. nārofubtha?
- ↑ iarsind úair LU.
- ↑ de iné LU.: leg. dóine
- ↑ dianubthi in ríastarthé LU.
- ↑ Gl. .i. in Badb
- ↑ budris LU.
- ↑ ind athig with .i. Dubthaig as a gloss LU.
- ↑ chotlud LU.
- ↑ sic, with another b over the line between e of buidne and th of Dubthaich; inna buidne LU., recte
- ↑ chosc LU.
- ↑ Gl. .i. Gránard indiu LU.
- ↑ iar tabairt imthúsa fordallaig forsin slúag dar grellacha ⁊ dar sruthra add. LU.
- ↑ robud LU.
- ↑ chondalbi LU.
- ↑ cess calléic LU.
- ↑ íar ríachtain LU.
- ↑ i nIraird Cuillend (.i. Crossa Cúil) LU.
- ↑ frecomét
- ↑ ocom LU.
- ↑ innocht LU.
