| Hopea o taua maiti ma ra. | ||
| Taatarii a Tairapa | 45 | |
| Mano | 25 | |
| Hitoti | 14 | |
| Aromaiterai | 5 | |
| Ariipaea | 3 | |
| Mataitai | 1 | |
| Teaatoro | 1 | |
TE PERETITENO. — No te mea e, ua rahi atura te taata tei maiti ia
Taatarii e ia Mano, o raua na papai parau no teienei Apoo raa.
TE AUAHA O TE HAU. — E homa, no te mea e, ua momo hia aenei te papai parau tahito ra o Paotai, te tuu atu nei au iana i mua i to outou aro ei faaite parau na te Hau.
Ua farii hia mai Paofai e to te Apoo raa.uz
TE AUAHA O TE HAU. — E homa, no te mea e, aore a te paeau rahi o to te Apoo raa nei i faahoreo hia, mai te au hoi ia na reira ra, e ore e tia ia tatou te imi i te parau ture, maori ra e, ia oti ae na tei teira vahi i te haapao hia.
No te mea ra e, te mate rii nei Tona Hanahana, aore atura vau i ite e, e maraa mai anei oia ionei roa a faahoreo ai i te mau iriti ture. Te manao nei au e, e mea tia paha ia ui atu iana i tei reira vahi, e i na reira 'toa te manao o te Apoo raa ra, e ani ïa vau i te peretiteni e e faaea rii ae na i te Apoo raa. (Ua faatia hia ïa e to te Apoo raa.)
Ua faaea rii te Apoo raa.
TE AUAHA O TE HAU. — E homa, ua faaue hia mai nei au e T. H. te Arii vahine e te Tomana te Auaha o te Emepera e faaite atu ia outou e, ananahi, i te hora iva mau, e tae mai ai rauai roto i te Apoo raa nei, e farii i te horeo a te mau iriti ture nei.
Ia oti aera te pure i matau hia ra, opani hia ihora te Apoo raa.
I te hora 9 mau i afa’i te Apoo raa.
Ua tomo mai T. H. te Arii vahine, raua o te Tomana te Auvaha o te Emepera i roto i te fare apoo raa, e ua farii hia raua e na iriti ture tino ahuru i haapao hia.
TE PERETITENO. — Ia ore ia hapa noa'e to tatou rave raa i teienei ohipa, e horeo paatoa mai te man iriti ture e tia'i.
Ua taio maira o Miti Barff, auvaha faaite arau no te pupu hoe, i te parau e horeo hia, mai teie i muri nei te uru :
« Te horeo nei au a e haapao, e e auraro maite au i T. H. te Arii vahine o to mau fenua Totaietee i te Hau Tamaru. »
