12
OROSZ-LAPP NYELV
3. Oazʼlɵž tɵkk lieβ, kukk lieβ vajvaš jīñkijnis; tɵnn guɵjk što sienʼ lī aᵢlmʼ cḁr-valt.
4. Oazʼlɵž lieβ lujkej; tɵnn guɵjk što sij jɵskeβ.
5. Oazʼlɵž tɵkk lieβ, kukk lieβ suoᵢne; tɵnn ɣuojk što sijje kūtjeδ leańč iemne.
6. Oazʼlɵž tɵkk lieβ, kukk lieβ vujkeδvūδʼ nielgest i koškest; tɵnn guɵjk što sij līńčėn kalnańč.
7. Oazʼlɵž lieβ tɵkk, kukk lieβ lāᵢvʼδės olmo; sijje leańč lāᵢvʼδesvūtt.
8. Oazʼlɵž tɵkk lieβ, kukk lieβ kūᵢtkijnis puhtas; sij līńčėn ujneδ Jimmel.
9. Oazʼlɵž mı̊rδɵttej lieβ: līńčėn sij sārnmańč Jimmel aᵢlken.
10. Oazʼlɵž tɵkk lieβ, kokk lieβ vujeχańč iers sajja vujkeδvūδʼ guɵjk: sienʼ lī aᵢlm carstvo.
11. Oazʼlɵž tij lieppeδ, kuɵᵢss tienijt līńčiš sḁnijn čūʒχɵlleδ, i vujeχeδ, i juᵢkke nalla viere sḁnı̊j guɵjm tienı̊jt vierʼχɵlleδ munʼ guɵjk.
12. Rḁmšɵtteδ i viesluššeδ; tɵnn guɵjk što šurʼ lieβ tienest lḁjχe aᵢlmest: nitt vujʼχiš i prōrokijt, kokk lėjjėn ɵvtel tienʼ.
13. Tij lieppeδ iemnej sūᵢll. Būδi sūᵢll kāδχińč sāmajδis, mı̊jn sōnʼ tujšaχ suɵllɵj? Son uže ni kōz ij ḁᵢneht, a što suɵhpjeδ sōnʼ olkus olmujt pajjel vāᵢncem nālla.
14. Tij lieppeδ tānn aᵢlm’ čūv. Ij uɵj kḁhtjeδ laᵢnn, čuɵńčej tierm aᵢln.
15. I puɵlχańč tūvas ḁᵢste vuɵlla ij cieñkχuv’, a cieñkχuv tūvas-jūᵢlg ɵl’, i čuɵvv pūkijt pɵrtest.
16. Nitt ḁᵢnn čuɵvv tien’ čuvv olmij ɵvδest, što sij ujnčėn tien’ šīɣ tūjijt, i kītčėn tien’ aᵢlm-aᵢǯ’.
17. Ielleδ juᵢrteδ što mun pūᵢttem sieɣχeδ zākon ili prōrokı̊jt: mun ı̊m sieɣχeδ poattańč, a tievteδ pūᵢtte.
18. Vujkest mun tijje sārnam: kon ij čḁck aᵢlm i iemne, ij ni ɵχt iota ili ni ɵχt ceakas puδ’ zakonest, ɵvtel konn ij teavto pūkk.
19. I tāδʼ milt, kie sieɣaht ɵvt tājn ucmus pāhkmužijn i uɵpeast olmujt nitt, tɵtt leańč kohčmańč ucmussėn aᵢlm-cārstvaᵢst; a kie tājt tūjašt i uɵpeast, tɵtt leańč cealhhmańč šūrren aᵢlm-cārstvaᵢst.
20. Tāᵢst-ɣo mun tijje sārnam: buδi tienʼ vujkeδvūtt ij lińče ienamp kirj-kīδij i farisejij vujkeδvūtteδ, ieppeδ lińče mɵnneδ aᵢlm-cārstvo.
