— 30 —
Reg sevokom zunik,
»Binob masel ola ¡Vo!
»Kinän binom obik.
»If no vilo oyilol
»Mülol yilön näme».
»Pölons, o Reg, ogolobs
»Foviko Cödele!»
Cödel ta Reg äcödom!
So Reg vilöl yilön,
»Labol giti, äsagom,
»Müli ola kipön!»
Du yels mödik älifoms,
Reg e Mülel, flenik!
Nem de ledom — «Sansouci»
De Reg — «Friedrich Gletik».
Holden.
MON GOLOM AL MON.
(Pükedavöd rumänik).
Popakonil pevivöl su (?) püekdavöd* at.
Cipsel sembal, dünel baonela, ililom mödikna maseli omik sagön: «Mon golom al mon.»
Älükom vöno pöti, ven masel omik no äbinom domo, e ägolom al bog masela. Bog at äbinom boadik e älabom sliti. Cipsel äkipom köni golüdik oma bifü slit boga, dat lenzugom al ok könis se monabog masela omik. Ävaladom du tim anik, e aininduköl in slit boga köni, at ämoslüpom obe se nam omik e äfalom in bog.
Cipsel äsevokom täno: Masel obik nepölom! Bi köns in bog binoms mödikum, elenzugoms äl oks köni oba lebalik.
Licherdopol (Rumän)