This page has not been proofread.
— 15 —
“Golöds, mofö, yunel yunik
“Se zif Sarayevo;
“Ifi smalol edeilom
“Keli ekonletob,
“Okonletob flolis votik
“Ko kels odekobok;
“Ifi ladan ematomok
“Keli efenlogob,
“Ofenlogob ladan’ votik
“Ko kel opleidob.
Sagi fovom yunel yunik
Se zif Sarayevo:
“Li ba vilol opleidön
“Oli matabegob;
“Ke ob, of-pul jönik oba,
“Ai ofamokol;
“Id opolob oli su nams
“Ini ledoms oba.
Bauer (Koazän).
TOMASIL.
«Tomasil» äsagof mot sembal al son velyelik ofa, «no mutol ropön obi, ven aipükob ko läds. Mütol valadön jü ojötobs, e tän ol kanol pükön»
«Ab jötols nevelo» ägepükom pul.
Marks (Pebaltän).
NIM ZÜPELÜGIKÜN.
Plofed sembal de Jen matik äsäkom: «¿Nim kiom blöfom züpelügi gletikün mane?» — «Gib», ägepükom julel.
Zubiría.
