This page has not been proofread.
LAS ESPIGOS
DE LA
LENGO MOUNDINO.
A MOUSSU MOQUIN-TANDON.
Quand sur nostro tèrro moundino
Forço poètos an segat,
Ma paouro Muso s'emmagino
Que n'aouran pas tout espigat ;
Tabes, aouèy, sense ferreto,
S'en bol ana touto souleto,
Malgre la rajo del soulel,
Rouda dins l'aboundouso plano
Ount règno la lengo roumano
Per y trouba qualque cabel.
N'esprobes pas cap de surpreso
Se tourni cargat de roumècs,
Car souben dins uno entrepreso
Les grandis plans rèston buffècs.
D'espigos, se dins ma carrièro
Ne trobi pas per fa garbièro,
