भेंब्रे, डॅा.नारायण व्यंकटेश प्रभू
बी.ए.ची पदवी घेतली आनी उपरांत मुबयचे गव्हर्नमेंट लॅा कॅालेजींतल्यान एल्एल्.बी.ही कायद्याची पदवी मेळयली.
१९६१ ते १९६३ मेरेन आकाशवाणीच्या मुंबय केंद्राचेर स्टाफ आर्टिस्ट म्हूण काम करताना कवी आनी रीतकाराखातीर गरजेचो अणभव जोडलो.
उपरांत गोंयांत योतकच ताणें १९५३ ते १९६८ ह्या काळांत मडगांवच्या राष्ट्रमत दिसाळ्यांत सहसंपादक म्हूण काम केलें. ह्या
दिसाळ्यांत ब्रह्मास्त्र नांवाचें सदर नेमान बरोवन ताणें गोंय माहाराष्ट्रात वचचें कांय स्वतंत्र उरचें ह्या प्रश्नाचेर १९६७ वर्सा गोंयांत जाल्या देशांतल्या पयल्याच अेपिनीयन (सार्वमत)पोलांत, गोंयचें खाशेलपण राखून दवरपाक, लोकमत घडोवपाच्या संदर्भांत ताच्या लिखाणाचें आनी वक्तृत्वाचें बरेंच योगदान जालां. गोंय, कोंकणी समाज, कोंकणी अस्मिताय आनी गोंय महाराष्ट्रांत विलीन करपाच्या राजकीय प्रस्तावाक खरल विरोध ह्या विशयांचेर कोंकणी समाजाचें प्रबोधन केलें.
१९८४ वर्सा मडगांव मतदार संघांत अपक्ष म्हूण रावून आपदार पदाची वेंचणूक जिखले उपरांत १९८४ ते १९८९ ह्या मेरेनच्या काळात गोंय विधानसभेचो वांगडी म्हणून वावुरताना ताणें तर्कनिष्ठ, बुध्दीनिष्ठ आनी अभ्यासपूर्ण अशा आपल्या विधानसभेच्या वावराची ताणें देख दिल्या.
१९७३ ते १९८३ मेरेन कोंकणी भाशा माडळाचो अध्यक्ष म्बूण वावुरतना कोंकणी शाळांखातीर कोंकणी पाठ्यपुस्तकांचे निर्मणेचो म्हत्वाचो वावर ताणें सांगात्यांच्या आनी शिक्षणतज्ञांच्या पालवान पुराय करुन तांकां सरकारी मान्यताय मेळोवन घेतली.गोंयची भास, साहित्य, संस्कृतायेखातीर वावुरपी गोवा कोंकणी अकादेमीचे स्थापनेसावन तो हे अकादेमीचो वांगडी म्हूण वावरत आयला आनी १९९६ वर्सा सावन अकादेमीचो अध्यक्ष म्हूण जापसालदारकी सांबाळून आसा. दिसानदिस गरज आनी व्याप्ती वाडिल्लो कोंकणीचो वावर समर्थपणान पुडें व्हरपाक, विशेश करुन केंकणीतलें संशोधनात्मक साहित्य अजवाडा हाडपाचो हावेस बाळगून मडगांव स्थापन जाल्ले अस्मिताय प्रतिष्ठान हे संस्थेचो अध्यक्ष म्हूण १९९५ वर्सा सावन उदयबाब वावरता.गोंयच्या पं.जवहरलाल नेहरु ट्रस्टाचो ते सचीव आसा.सद्या तो कला अकादमीचोय वांगडी आसा.
१९७५ वर्सा मडगांवां जाल्ल्या अखिल भारतीय कोंकणई लेखक संमेलनाचो अध्यक्ष आनी १९८६ वर्सा कोची-केरळ हांगा जाल्ल्या अखिल भारतीय कोंकणी परिशदेच्या १६व्या अधिवेशनाचो अध्यक्ष म्हूण ताची निवड जाल्ली. १९८२ वर्सा पणजे जाल्या अखिल भारतीय कोंकणी परिशदेच्या १४व्या अधिवेशनाचो येवकार अध्यक्ष म्हणुनूय ताणें वावर केला.
कोंकणी खातीर साहित्य अकादेमीची मान्यताय, तिका गोंयची राजभास आनी कोंकणीचो घटनेच्या आठव्या परिशिश्टांत आस्पाव करुन घेवपाच्या चळवळींनी ताणें सक्कीय वाटो घेतला. साहित्य अकादेमीच्या कोंकणी भाशा सल्लागार समितीचो वांगडी,गोंय, दमण,दीवच्या नांवाच्या प्रमाणीकरण समितीचो वांगडी,गोंय राज्याच्या राजभास सल्लागार समितीचो वांगडी,दक्षिण रेल्वेच्या विभागीय समितीचो वांगडी,गोंय,दमण,दीव वकील संघटनेचो अध्यक्ष आदी पदांचेर उदयबाबान वावर केला.
१९९३ वर्सा सावन सुनापरान्त ह्या कोंकणी दिसाळ्याचो मुख्य संपादक म्हणून ताणें पदभार सांबाळ्ळा.लेखक, कवी आनी गीतकार म्हूण ताणें जाडिल्ली कीर्त लक्ष ओडून घेवपासारकी आसा. 'राष्ट्रमत' दिसाळ्यांतल्या ताणें बरयल्ल्या 'ब्रह्मास्त्र' आनी 'सुदर्शन' ह्या मराठी स्तंभलेखनाचें संकलन 'ब्रह्मास्त्र' ह्या नांवान पुस्तकरुपान उजवाडा आयलां. 'चान्न्याचे राती' ह्या ताच्या कविता आनी गीतांच्या झेल्यांतलीं गितां खुबूच लोचप्रिय जाल्यांत. तातुंतलें चान्न्याचे राती हें गीत तर लोकगीत जाला.महाभारतांतले कथेचेर आदारिल्लें 'कर्णपर्व' नांवाचें नाटक ताणें बरयलां, ताची सुमार २० गितां आकाशवाणी आनी एच्.एम्.व्ही.न मुद्रायल्यांत
वेवसायान वकील आशिल्ल्या भेंब्रेन १९७१ वर्सा मुंबयंत वकिली वेवसाय सुरु केलो. मात उपरांत रोकडोय तो गोंयांत आयलो आनी १९७३ वर्सा सावन आयजमेरेन वकील म्हूण ताणें आपलो वेवसाय चालू दवरला. -कमलाकार दत्ताराम म्हाळशी
भेंब्रे.डॅा.नारायण व्यंकटेश प्रभूः(जल्मः१३ सप्टेंबर १९१३, जांबावली-केपें).
सुटकेझुजारी. ताणें इश्कोल मेदिकुची पदवी मेळयल्ली. संधटना समितीचो तो वांगडी आशिल्लो. पुडें हे समितीचें गोमंतक काँग्रेसीत रुपांतर जातकच तो तिचे वांगडी जालो. १८ ऑगस्ट १९४६ ह्या दिसा लोंढ्यार जाल्ले बसकेंत तो नॅशनल काँग्रेस गोवा हे संघटनेचो पयलो जोड चिटणीस म्हणून वेंचून आयलो.केप्यां जाल्ल्या सत्याग्रहांत ताणें वाटों घेतिल्लो,देखून १८ ऑक्टोबर १९४३ दिसा पुलिसांनी ताका धरलो. केपें न्यायालयांत उबो करुन ताका एका म्हयन्याखातीर बंदखणींत धाडलो.थंयच्यान सुट्टकच शिरोड्यां जाल्ले बसकेंत उलोवप केल्ले
