8
apuang jo aturan, adat limbago nan mangapuangnyo. Baukuo jambu jo jangkau unjuak baagak bahinggokan, murah jo maha di tampeknya. martanat nan anam dipakaikan.
Indak basaku kiri jo kanan, tando alamaik nan bak kian, indak pangguntiang dalam lipatan.
Lihie lape tak bakatuok, babala sahinggo dado. Manyatokan Panghulu ba-Alam leba. Lawik takkaruah karano ikan, gunuang tak runtuah karano kabuik. Rang gadang martabatnyo saba pahik mani pandai maluluo cando kaiyo kasadonyo.
Tagangnyo bajulai-julai kanduonyo badantiang-dantiang, bahati lapang bapaham salasai, cukuik syarat kato jo rundiang Mansyaddah Qaumu fiduni walakhirach fauwa syaidun. Kok iyo adat basandi sayarak, syarak basandi Kitabullah, bak kato pepatah:
Simuncak mati tarambau
ka ladang mambawo ladiang
luko paho kaduonyo.
Adat jo syarat di Minangkabau
bak awuo jo tabiang
sanda basanda kaduonyo.
________________________________________________________________
"S A R A W A"
Basarawa hitam gadang kaki, kan panuruik aluo nan lurui, kan panampuo jalan nan pasa, kadalam korong jo kampuang sarato Koto jo Nagari.
Langkah salasai baukuran, martabat nan anam mambatasi. Bajalan surang mintak daulu, bajalan baduo mintak ditangah. Hemat cermatlah Penghulu martabat nan anam bapantang lengah.
Tanah kudarang dinan hitam, paham hakikat tahan tapo, manahan sudi jo siasek. Kuma bapantang kalihatan, kokoh mangganggam nan sabinjek, lah kajadi sagadang incek jambu monyek itu nan jadi pantangannyo.
________________________________________________________________
"K A I N S A R U A N G"
Saruang sabidang diate lutuik, kayo jo miskin alamaiknyo. Ado batampek kaduonyo. Lurui dalam tak bulie sentiang, patuik sentiang tak bulieh dalam, karajo hati kasadonyo.
