Page:Евангелие от Матфея, Марка, Луки и Иоанна на мордовском языке (М. Е. Евсевьев, 1910).djvu/257

Еван. отъ Іоанна гл. 8.

---

конат-конат кортасть: ара Галилеясто сакшны Христос? ⁴²Апак ёвтак-ли Писаніясонть, што Христозось сы Давидэнь родсто, Вифлеемстэ, косто ульнесь Давид. ⁴³Истя Сонзэ кувалма народсьть ютксо ульнесь пелькстамо. ⁴⁴Конань-конань сынст ютксто ульнесь мелест Сонзэ кундамс, аньсяк кі-як лаҥгозонзо эзь путт кедь. ⁴⁵Кода састь архіерейтненень да фарисейтненень служительтьне: сынь мерьсть тенст: мейсь эзиҥк ветяк Сонзэ? ⁴⁶Служительтне мерьсть каршост: знярдо-як ломань истя эзь кортакшнок, кода Те Ломансь. ⁴⁷Фарисейтьне мерьсть тенст: аразик тынь-гак манявиде? ⁴⁸Ара кемсь Тензэ кі-як прявтнэнь да фарисейтнень эйстэ? ⁴⁹А те народсь, кона азды закон — сюдозь сон. ⁵⁰Эстэдест, Никодим, кона сакшнось Тензэ веть, мерьсь тенст: ⁵¹Ара минек законнок суди ломаньсэ, васнят апак кулцонок сонзэ да апак содак, месть сон теи? ⁵²Тень каршо мерьсть тензэ: тон-гак аволь Галилеястоят-ли? Содык (парьсте) да нейсак, што Галилеясто пророк а сакшны. ⁵³Мейле срадьсть весе кудоваст.

 

Глава 8.

¹Іисус тусь Елеононь пандо пряс. ²А валськестэнть таго сась церькувас да весе народсь мольсь Сонензэ. Сон озась да тонавтсь эснэст.

³Ветясть Тензэ книжникне да фарисейтьне ускурявмосто кундазь ава да, кунчка таркас сонзэ аравтозь, ⁴мерьсть Тензэ: Тонавтыця! те авась саезь ней ускурявмосто. ⁵Моисей законсо мерьсь истятнэнь кевсэ маштомодо. Тон мезть мерят?

— 249 —