Při khowanju božeho słónčka

nadpis	Při khowanju božeho słónčka
awtor	Jan Radyserb-Wjela
lěto	1909
žórło	http://texty.citanka.cz/
licenca	public domain
nota	stary prawopis

    So bože słónčko k zemi kłoni,
    A směrk žno w dolinach so roni,
    So ćichi swjatok přibližuje,
    A ptačkow kěrlušk zamjelkuje.

    A słónčko dawajo so k měru
    Nas lubje napomina swěru:
    "Tež wy nětk do pokoja dźiće,
    A z wutroby wšón nieměr wzmiće!"

    Kaž wono přikhila so k zemi,
    Wy k winikam tež z lubosćemi
    So přikhilće, jim zwodawajće,
    A hněwej rady mjezu stajće!

    Wam z duše měj so mysl hrozna,
    Ta hidźita a njelubozna,
    A dozabudźće zekřiwdźenje,
    A z pomjatka njech hóŕkosć ćeknje.

    Njech hněw so pod podnože sadźa,
    Zo słónčko na nim njezakhadźa,
    Kaž to nam bože słowo praji,
    A swjatu kaznju na to staji.