Mi sì, te daris l'anima
Jump to navigation
Jump to search
| ←Sì, te set bell, e tanto me rincress | Mi sì, te daris l'anima (1894) by Passion |
D'ora in ora, I°→ |
Mi sì, te dariss l'anima
De tant che te vuj ben!
Se te disesset − ven,
In coo del mond con mi, −
Varda, tesor, te 'l giuri,
Me volti nanca indree....
Vegni con ti? L'è assee,
Se pò cercà de pù?
Lassà tusscoss e tutti,
Vegh pù nè cà nè tecc,
Patì la famm, el frecc,....
Sont pronta, andemm, sont chì!
N'hoo assee se a la mattina,
Col coo sul tò cossin,
El sarà on tò basin,
Che me dessedarà!
N'hoo assee de vess sicura
Che sararoo su i œucc,
Chi inscì su i tò genœucc
S'hoo de dervij mai pù!