Medin lesumik

FA PLOTZEK V. L. R. POTAL IN LISPITZ
(Kademan plo Bömän)

« Läd yunik in pötek sembal: » Söl pötekal, li ba kanon ninsumön rizinaleüli, nendas smekon oti?

« Pötekal: » Lesi! Nos binos nefikulikum ka atos, vomül jönik! Ob it oplepadob foviko zesüdikosi onse. Abu, begob, vomül oba, pladonsös oki, e dlinonsös bevüno glätili framukalimonina^[1] al klietam oka.

« Läd yunik: » Danob vemo, söl! Binos levemüno gudlik, e plidik! - (Pos minuts anik). - Begob, söl pötekal, spidob, li ba ogetob ya suno plepadami et?

« Pötekal: » Also läd yunik, li no esmekons nosi?

« Läd yunik: » Kiosi? Framukalimonin binom vemo gudik e lesumik?

« Pötekal: » Ebo! Rizinaleül ebinom in framukalimonin.

« Läd yunik: » Godö! Söl pötekal, blod yunik oba isötom ninsumön oti! No ob!!!

Lispits Löstän 1891 telul 10id.

NOETS.

1. Framukalimonin - fluk de Rubus Idaeus

Se Nunal nulik 1891, Nüm: 9/10/11, Pad: 53.