Libre de Memorias/1355

← 1354

1355 Libre de Memorias

1356 →

L'an MCCCLV foron Cossols

• Senhor Bernat Guitart, per Taulas.
• Senhor Daunis Serinha, per Mercadiers.
• Senhor Benezech Bru, per Mazel.
• Senhor Ramon Bertran, per notaris.
• Senhor Peyre Gavasto, per Coyraties.
• Senhor Johan Andrieu, per Messies.
• Senhor Bernat Salvayre, per Orgies.

El dich senhor Bernat Salvayre se va rebellar contra lo cossolat per que li feron despolhar las raubas tro que se fos reconceliat; car el era de la partida dels reformadors.

Foron Clavaris.

• Senhor Johan Esteve, per Mercadiers.
• Maystre Guilhem Roma, per Notaris.
• Senhor Jacme Bernat, per Coyratiers.
• Senhor Joh Emengau, per Mesies.

Aquel an feron de talha per denier I. ters de flori.

Pus per denier I. quart de flori.

Pus ad ops dels murs I. quart de gros, e no se levet mays per VI sepmanas.

Foron levayres de Bans.

• Senhor P. Estaci, per Taulas.
• Ramon Gaudel, per Mazel.
• Guilhem Trencavelh, per Orgies.

Foron Carayries.

• Ramon Cotelier, per Taulas.
• Veria Serinha, per Mercadiers.
• Maystre Guilhem Revel, per Notaris.
• Jacme Vidal, per Mesies.

Foron Caritedies.

• Senhor Huc Cabot, per Taulas.
• Senhor Ramon Grayschat, per Mercadies.
• Senhor Pons Veria, per Coyraties.
• Senhor Johan Corregie, per Mazel.

L'an MCCCLV davan las Totz Sanz, venc en aquest pays lo princep de Galas; et vengueron los coredos entro a Bezes. Mais quand el saup que en Bezes avia grands gens d'armas, ne volc pus avant passar, et venc tant gran neu que si no sen fos tornat, non y a guera Engles no fos remangut en las plassas.